32
Një studim i ri tregon që ju nuk mund të hiqni dorë nga zakonet e këqija të gjumit, sidomos me kalimin e moshës. Ju ndoshta keni dëgjuar gjatë gjithë jetës se sa i rëndësishëm është një gjumë i mirë gjatë natës dhe shkenca e mbështet këtë.
Të bësh shtatë deri në nëntë orë gjumë çdo natë e përgatit trupin për një mori përfitimesh pozitive. Në fakt, studiuesit thonë se gjumi vetëm me një orë shtesë çdo ditë mund të zvogëlojë rrezikun e sëmundjeve të zemrës dhe diabetit, forcon imunitetin dhe lehtëson gjendjen e depresionit.
Por, së bashku me kohën që kaloni në shtrat, zakonet e tjera të gjumit si koha kur bini për të fjetur dhe ajo se kur zgjoheni mund të kenë efekte të rëndësishme në shëndetin madje edhe në peshën tuaj.
Një studim i botuar në fillim të këtij viti në ?Journal of Activity, Sedentary, and “Sleep Behaviors? shikoi se si ndryshueshmëria e kohës së gjumit dhe zgjimit, së bashku me kohën totale të gjumit, ndikojnë në treguesit e shëndetit dhe peshën trupore. Ai gjithashtu vlerësoi nëse stërvitja dhe një mënyrë jetese aktive mund të ndihmojnë në përmirësimin e matjeve negative të shëndetit që lidhen me gjumin e dobët.
Studimi përfshiu 3698 njerëz, të gjithë të moshës 46 vjeçare që mbanin monitorë aktiviteti për të gjurmuar zakonet e zgjimit dhe gjumit të tyre për dy javë.
Më pas, ata u vlerësuan për presionin mesatar të gjakut, indeksin e masës trupore (BMI), nivelin e yndyrës, nivelet e glukozës, insulinës dhe kolesterolin për të parë se si gjumi ndikoi në këto metrika. Ajo që studiuesit zbuluan ishte se zakonet e parregullta të gjumit rezultuan në disa tregues të dobët shëndetësor, veçanërisht për njerëzit që nuk lëviznin shumë gjatë gjithë ditës.
Nëse një nga prioritetet tuaja është humbja e peshës ose ruajtja e peshës që keni, duket se nuk mund të hiqni dorë nga zakonet e këqija të gjumit, veçanërisht kur moshoheni.
Sipas studimit, njerëzit që ndryshonin ndjeshëm orarin e tyre të gjumit kishin perimetër më të lartë të belit dhe mase trupore më të madhe.
Nëse dëshironi të mbani një peshë të shëndetshme me kalimin e moshës, sigurohuni që t’i jepni përparësi gjumit.
ks
