Edhe në moshën 57-vjeçare, Kylie Minogue vazhdon të tërheqë vëmendjen e fansave, duke i mahnitur ata me fotot e fundit të publikuara në Instagram.
Ylli australian i muzikës pop shfaqet në një set fotografik ku pozon në një shkallë të artë dhe të bardhë, e veshur me një fustan të shkurtër të bardhë me çarje te kofsha dhe detaje me thekë argjendi. Ajo e ka kompletuar pamjen me këpucë elegante sateni.
“Sa shumë e sinqertë”, shkroi këngëtarja në përshkrimin e fotove, duke nxitur reagime të shumta nga ndjekësit.
Fansat nuk kursyen komplimentet në komente, duke e cilësuar “mahnitëse” dhe duke e mbushur postimin me reagime entuziaste dhe emoji.
Ndërkohë, artistja ka edhe projekte të reja në horizont. Së fundmi, ajo bashkëpunoi me aktoren Margot Robbie për fushatën e re të Chanel, ku u rikrijua videoklipi i saj ikonik “Come Into My World”.
Në reklamë, Robbie shfaqet duke ecur në një skenë që imiton rrugët e Parisit, ndërsa mban çantën e re Chanel 25 në versione të ndryshme. Vetë Minogue e cilësoi projektin si një përvojë të veçantë, duke ndarë momente nga xhirimet në rrjetet sociale.
Krahas angazhimeve të saj në modë dhe muzikë, këngëtarja është përfolur gjithashtu se mund të performojë në finalen e madhe të AFL Grand Final këtë vit, duke shtuar edhe më shumë interesin rreth saj.
View this post on Instagram
