1
Lazim Destani njihet si njëri nga shqiptarët më të suksesshëm në botën e biznesit, me të arritura në nivel internacional.
Por , z. Destani njihet edhe si dashamir i madh i fjalës së shkruar letrare , tek investimii tij asnjëherë nuk ka munguar për organizimin e eventeve të shumta letrare në trojet shqiptare ashtu edhe në diasporë si dhe për botimin e veprave nga shkrimtarët e publicistët e njohur shqiptar me të cilët pati edhe raporte miqësore me të shumtët nga ata. Sot në qytetin e Cyrihut u promovua libri ‘ Si e zbuluam Zvicrën duke ecur’ të autorëve Enver Robelli dhe Omer Xhemaili. Për këtë tubim me rëndësi, ka shkruar vetë Destani në hapësirat e tij në rrjete sociale.
“Ishte nder dhe kënaqësi e jashtëzakonshme të jem në mesin e një auditori të gjerë, dashamirës të fjalës së shkruar shqipe, këtu në qytetin e Cyrihut në Zvicër ku u promovua libri ‘Si e zbuluam Zvicrën duke ecur’. Këtë libër na e sjellin dy bashkautorët Enver Robelli dhe Omer Xhemaili, dy emra që me arritjet dhe famën e tyre na bëjnë të ndihemi fort krenar. Robelli në sferën e gazetarisë dhe Xhemaili në atë të mjekësisë, me punën e tyre prej shumë vitesh në Zvicër, kanë kapur majat e suksesit. Me veprat dhe emrin e tyre ata nderojnë kombin shqiptar brenda dhe jashtë vendit.
