1
Epopeja e Nokshiqit, apo betejat heroike të Nokshiqit të viteve 1879-1880, janë ndër ngjarjet më të rëndësishme të historisë sonë kombëtare që shpërthyen si revoltë e popullit shqiptar ndaj vendimeve të padrejta të Kongresit të Berlinit, 1878.
Me rastin e kesaj ngjarje , u organizua Akademia përkujtimore “Epopeja e
Nokshiqit” që u mbajt nëPrishtinë, në të cilën mori pjesë edhe biznismeni dhe intelektuali i shquar Lazim Destani.
Ai përmes një postimi dhe me foto në rrjete sociale,ndau edhe emocionet e pjesëmarrjes në këtë manifestim kushtuar kësaj ngjarje historike.
Postimi plotë:
“Akademia përkujtimore “Epopeja e Nokshiqit” që u mbajt dje në Prishtinë ishte aktivitetit i radhës nga seria e takimeve madhështore gjithëkombëtare që organizon ‘Gazeta e Alpeve’. Epopeja e Nokshiqit, apo betejat heroike të Nokshiqit të viteve 1879-1880, janë ndër ngjarjet më të rëndësishme të historisë sonë kombëtare që shpërthyen si revoltë e popullit shqiptar ndaj vendimeve të padrejta të Kongresit të Berlinit (1878).
Me kënaqësi e pranova ftesën për të marrë pjesë në këtë Akademi Përkujtimore, në respekt të organizatorëve – drejtuesve të ‘Gazeta e Alpeve’, por mbi të gjitha, në nderim të atyre që u ngritën e luftuan me armë në dorë për mbrojtjen e tokave tona stërgjyshore.
Në këtë Akademi morën pjesë përfaqësues institucionesh shtetërore, figura të shquara nga diaspora, si dhe personalitete nga fusha e historisë, kulturës e biznesit, nga të gjitha trojet tona. Ky manifestim shënon një tjetër hap në përpjekjet për të rikthyer në vëmendje epopetë historike të popullit shqiptar, duke forcuar kështu ndjenjën e identitetit dhe krenarisë kombëtare.
Mes dhjetëra akademikëve, historianëve e qindra të ftuarve, pata kënaqësinë të dëgjoj fakte e dëshmi për betejat e Nokshiqit, por edhe të takohem e të bisedoj me shumë bashkatdhetarë të mërgatës sonë nga Nokshiqi, nga krahina e Plavë-Guicisë, përfaqësues të denjtë të diasporës shqiptare në Shtetet e Bashkuara të Amerikës.
Duke e çmuar lart këtë aktivitet dinjitoz, i falënderoj organizatorët për ftesën, ndërsa i përgëzoj për kontributin e tyre për ruajtjen dhe promovimin e vlerave historike kombëtare, duke i sjellë ato në vëmendjen e brezit të ri.”
