Paneli Zgjedhor për Ankesa dhe Parashtresa (PZAP) ka marrë vendim që Lidhjes Demokratike të Kosovës t’i shqiptojë dënim në shumë prej 20 mijë eurove.
Në njoftim thuhet se PZAP-ja ka pranuar një ankesë nga Lëvizja Vetëvendosje ku pretendohet se kandidatja për deputete nga rradhët e LDK-së, Xheneta Suka, me anë të një shpërndarje të videos ka krahasuar kryeministrin Albin Kurti me Adolf Hitler.
Sipas PZAP-së paneli me datë 14 janar ndërmorri hetim lidhur me pretendimet e LVV-së dhe gjeti se të njëjtat janë të bazuara.
Po ashtu bëhet e ditur se LDK-ja ka afat prej 15 ditësh që ta paguaj gjobën.
