Gjithë mediat ndërkombëtare po flasin për listën “Epstein”, listë më 180-200 emra të përmendur në procesin kundër pedofilit financiar që detyroi vajza të vogla të kryenin marrëdhënie seksuale apo masazhe seksuale me të e për të, e që vdiq me vetëvrasje në burg në 2019 kur ishte ende duke pritur të gjykohej.
Procesin ndaj të dashurës së Epstein e nisi Virginia Giuffre e cila në kohën që abuzohej ishte 17 vjec. Ajo denoncoi me emra funksionarë të lartë botërore por Maxwell e dashura e Epstein, i konsideroi shpifje.
Një gjyqtare në Amerikë vendosi që lista e emrave të përmendur të bëhet publike. Dhe ajo ka dalë ditën e enjte.
Emrat e presidentëve amerikanë Clinton e Trump janë në listë, por edhe zv.presidenti Al Gore. Por edhe princi britanik Andrew. Celebrities si Michael Jackson apo David Copperfield, apo edhe gazetarja me famë botërore Oprah Ëinfrey janë ndër emrat e përmendur në dokumentet e gjykatës. Shkencëtari Stephen Hawking, modelja Naomi Campbell, Alexandra Cousteau apo aktori Kevin Thomson përmenden në këtë listë.
Epstein, një milioner i njohur për lidhjet me shumë celebrities, politikanë, miliarderë, star akademikë u arrestua në Palm Beach Florida në 2005 pasi u akuzua për pagesë për seks me një 14 vjecare. Më vonë dhjetëra vajza denoncuan abuzime të ngjashme por prokurorët ngritën akuzë në 2008. Ai shërbeu për 13 muaj në një program pune ne burg.
Edhe e dashura e tij Ghislaine Maxwell u dënua në 2021 me 20 vjet burg se e ndihmoi Epstein që të zgjidhte dhe gjente viktimat e tij.
A ju ndihmoi ky artikull?PoJo
