20.05.2026 – 13:55
Policia shpërndan protesuesit në Graçanicë, mbaron koha e protestës
Policia e Kosovës ka shpërndarë turmën e protestuesve serbë në Graçanicë.
Protestuesit janë larguar pasi u njoftuan nga Policia e Kosovës se kishte mbaruar koha e lajmëruar për mbajtjen e protestës.
Arsyeja e protestës së sotme ishte kundërshtimi i arrestimeve të së martës.
Prokuroria Themelore e Prishtinës në bashkëpunim me Policinë e Kosovës kanë arrestuar pesë persona të nacionalitetit serb, por shtetas të Kosovës, të cilët dyshohen për kryerjen e veprës penale “Cenimi i përcaktimit të lirë të votuesve”.
Prokuroria njoftoi se janë siguruar deklarata dhe prova të mjaftueshme që dyshohet se i lidhin të ndaluarit me veprime të kundërligjshme që cenojnë procesin zgjedhor.
Kujtojmë se në arrestimet e djeshme bënte pjesë edhe drejtoresha e shtëpisë së shëndetit në Graçanicë.
20.05.2026 – 13:55
Arrestimet në Graçanicë, pamje nga protesta para policisë
Serbët janë mbledhur në Graçanicë për të protestuar kundër pesë arrestimeve që rezultuan të martën.
Pesë shtetas të Kosovës, të nacionalitet serb u arrestuan nën dyshimin se kanë kryer veprën penale “Cenimi i përcaktimit të lirë të votuesve”, transmeton Klankosova.tv.
Protesta pritet të zgjasë rreth 1 orë, ndërsa është në mbikëqyrje të Policisë së Kosovës pasi ekziston mundësia për tensione.
20.05.2026 – 13:54
Mblidhen serbët në Graçanicë: Kundërshtojnë arrestimet e djeshme
Shtetasit e Kosovës të nacionalitetit serb janë mbledhur në Graçanicë.
Kjo për të kundërshtuar arrestimet e së martës.
Prokuroria Themelore e Prishtinës në bashkëpunim me Policinë e Kosovës kanë arrestuar pesë persona të nacionalitetit serb, por shtetas të Kosovës, të cilët dyshohen për kryerjen e veprës penale “Cenimi i përcaktimit të lirë të votuesve”.
Prokuroria njoftoi se janë siguruar deklarata dhe prova të mjaftueshme që dyshohet se i lidhin të ndaluarit me veprime të kundërligjshme që cenojnë procesin zgjedhor.
