1
Është ndërprerë shqyrtimi fillestar për rastin “Banjska”.
Kjo ka ndodhur me kërkesë të mbrojtjes së të akuzuarve për shkak se janë ankuar që nuk i kanë shkresat e lëndës në mënyrë fizike, njofton Klankosova.tv.
Ndërkaq, Gjykata Supreme pritet të vendosë nëse për 42 serbët e akuzuar që janë në arrati për Banjskën, mund të ketë gjykim në mungesë.
Këtë e ka bërë të ditur gjyqtari i rastit, Arben Hoti, i cili ka thënë se ka interpretime të ndryshme ligjore për këtë temë, dhe Supremja duhet të marrë vendimin, njofton Klankosova.tv.
Para Gjykatës Themelore në Prishtinë sot u paraqitën Vladimir Toliq, Blagoje Spasojeviq dhe Dushan Maksimoviq , tre të akuzuar për agresionin në Banjskë.
Aktakuza për sulmin terrorist të një viti më parë ku u vra polici Afrim Bunjaku u ngrit dy javë më parë, njofton Klankosova.tv.
