Testet në minj kanë treguar se ekspozimi i babait ndaj mikroplastikës mund të çojë në probleme shëndetësore për pasardhësit e tyre, duke përfshirë një rrezik në rritje të diabetit tek femrat.
Gjetjet kanë “implikime për njerëzit”, sipas Universitetit të Kalifornisë, Riverside, ku shkencëtarët kryen testet.
Hulumtimi është vetëm i fundit që ilustron dëmet e gëlltitjes së grimcave të vogla të lëshuara nga plastika, të cilat tashmë janë gjetur në organe të ndryshme njerëzore dhe në fëmijë të palindur.
“Burrat që planifikojnë të kenë fëmijë duhet të marrin në konsideratë reduktimin e ekspozimit të tyre ndaj substancave të dëmshme si mikroplastika, për të mbrojtur shëndetin e tyre dhe atë të fëmijëve të tyre të ardhshëm”, paralajmëruan studiuesit.
Të botuara në Journal of the Endocrine Society në fund të dhjetorit, rezultatet treguan se mikroplastikat ndryshojnë “ngarkesën” e spermës, duke kontribuar nga ana tjetër në mosfunksionimin metabolik te minjtë e porsalindur, me femrat që kanë më shumë gjasa të ndiejnë efektet.
“Ne zbuluam se ekspozimi ndaj mikroplastikës nga babai kishte efekte specifike për seksin në obezitetin e shkaktuar nga dieta, duke përfshirë përbërjet e ndryshuara të trupit”, thanë studiuesit, duke shtuar se pasardhëset femra të meshkujve të ekspozuar ndaj plastikës, treguan “rezistencë të përkeqësuar ndaj insulinës”.
Mjekët amerikanë vitin e kaluar zbuluan se mikroplastikat kanë më shumë gjasa të shfaqen në placentat e foshnjave të parakohshme, sesa tek ato të lindura në kohë./ DPA News.
