Mos i neglizhoni nishanet në lëkurë, pasi ato mund të jenë shenja të rëndësishme që tregojnë ndryshime të mundshme në organizëm. Mjekët dermatologë theksojnë se kanceri i lëkurës është një nga format më të shpeshta të kancerit, por nëse zbulohet në kohë, trajtohet me sukses.
Dermatologët shpjegojn se është shumë e rëndësishme të bëhet kontrolli i rregullt i lëkurës dhe “hartëzimi” i nishaneve.
“Duhet bërë një hartëzim i lëkurës. Shikohen nëse nishanet ndryshojnë formën, madhësinë apo ngjyrën,” shprehet ata.
Sipas tyre, rreziku për kancer të lëkurës fillon që në moshë të hershme dhe përveç ekspozimit në diell, edhe nishanet që ndryshojnë karakteristika mund të jenë një sinjal paralajmërues.
Ndonëse më e rrallë, melanoma mbetet forma më e rrezikshme e kancerit të lëkurës, e cila shfaqet më shpesh në moshën 30–60 vjeç.
Kanceri i lëkurës ndodh kur qelizat e lëkurës rriten në mënyrë të pakontrolluar dhe të parregullt. Mjekët theksojnë se personat me histori familjare të sëmundjes duhet të tregojnë kujdes të shtuar dhe të bëjnë kontrolle të rregullta dermatologjike.
