Të tjera ndryshime do të kemi sezonin e ardhshëm në ekranet shqiptare.
Moderatorin e njohur të programeve të cilat na shoqërojnë gjatë paraditeve tona, Alban Musën nuk do ta shohim më në ekranin e ABC.
Sipas “Kryefjala”, sezonin e ardhshëm televiziv, pra duke nisur prej shtatorit, Albani do të shfaqet në ekranin e Top Channel.
Së bashku me Albanin do të rikthehet edhe programi i njohur “Në shtepinë tonë”, i cili u ndërpre për një periudhë kohore. Megjithatë këtë herë moderatorit dhe aktorit i është besuar jo vetëm moderimi por edhe autorësia e këtij formati.
Alban Musa i cili është një nder figurat më të dashura dhe familjare në ekranet shqiptare, ka qenë prezantuesi i parë i këtij programi bashkë me Anjeza Majën në vitin 2016. E pas pothuajse 7 vitesh, ai rikthehet sërish “në shtëpi”.
