Sipas MeteoAlb, si pasojë e prezencës së lartë të lagështirës në ajër; Shqipëria do të vijojë nën ndikimin e motit të paqëndrueshëm ku vranësirat dhe shirat do të jenë dominante: më të theksuara në zonat veriore dhe ato qendrore, ndërsa pjesa më e madhe e jugut do të jetë i kthjellët.
Parashikohet që orët e pasdites të sjellin dobësim të dukshëm të vranësirave duke i zhvendosur ato vetëm në zonat malore Lindore.
Temperaturat e ajrit do të pësojnë rënie të lehtë në orët e mëngjesit, por ulen sërish maksimumet duke luhatur vlerat ditore nga 7°C deri në 27°C vlera më e lartë në rang territori.
Era; do të fryjë e lehte, por herë pas – here deri mesatare me shpejtësi maksimale mbi 25 km/h nga drejtimi Perëndimor; kjo do të bëjë që në brigjet detare të gjenerohet dallgëzim i ulët.
Kosova
Përgjatë gjithë të ditës; republika e Kosovës; do të jetë me vranësira të shpeshta të cilat hera herës do të zhvillohen duke gjeneruar rrebeshe shiu: ku më të theksuara reshjet paraqiten në zonat kufitare me Shqipërinë.
Herë pas here do të ketë intervale të shkurta me kthjellime; Parashikohet që pasditja të vijojë nën ndikimin e kushteve të paqëndrueshme atmosferike ku vranësirat dhe shirat do të jenë dominante.
Përsa i përket; Temperaturave të ajrit do të pësojnë rënie të lehtë në mëngjes, por ulen ndjeshëm në mesditë duke luhatur vlerat ditore nga 7°C deri në 22°C.
Era do të fryjë e lehtë paradite, por deri mesatare gjatë pasdites duke arritur shpejtësinë maksimale mbi 25 km/h nga drejtimi Perëndimor.
Maqedonia e Veriut
Republika e RMV përgjatë gjithë 24-orëshit; do të jetë nën ndikimin e masave ajrore të paqëndrueshme duke sjellë vranësira dhe reshje shiu ku herë pas here do të jenë edhe rrebeshe.
Parashikohet që orët e pasdites dhe mbrëmjes të sjellin shpeshtim të vranësirave dhe rrebeshe shiu në pjesën më të madhe të RMV. ; Temperaturave të ajrit do të pësojnë rënie të lehtë në mëngjes, por ulen ndjeshëm në mesditë duke luhatur vlerat ditore nga 8°C deri në 24°C.
Ndërkohë parametri i Erës do të paraqitet e lehtë dhe mesatare me shpejtësi maksimale deri në 28 km/h nga drejtimi permanent Perëndimor.
Europa
Si pasojë e një sistemi të fuqishëm vranësirash që ka përfshirë brigjet Veri – Veriperëndimore të kontinentit do të diktojë kushtet e paqëndrueshme atmosferike në: Britaninë e madhe; Alpet e Europës si edhe rajonin e Ballkanit duke sjellë rrebeshe shiu dhe herë pas here stuhi ere.
Po ashtu, gadishulli i Skandinavisë do të paraqitet me reshje të dendura shiu si edhe mini-stuhi ere, ndërsa moti i kthjellët do të mbizotërojë në; Europë Jugperëndimore, pjesërisht qendrën e kontinentit si edhe vendet e Europës Lindore.
/abcnews.al/
