Vedat Muriqi shënoi golin vendimtar sot në fitoren e Mallorcas ndaj Real Madridit.
Vendasit triumfuan me rezultat 2-1, falë golit të ‘piratit kosovar’ në minutën e 92-të të takimit, raporton KlanKosova.tv.
Sulmuesi kosovar u pa tejet i emocionuar, kjo pas humbjes së fundit me Kombëtaren e Kosovës në “Fadil Vokrri” ndaj Turqisë, ku ai dhe bashkëlojtarët e tij nuk arritën të tundin portën e turqve.
Kjo u reflektua në emocionet e Muriqit i cili shpërtheu në lotë pas golit, teksa bashkëlojtari i tij te Mallorca iu drejtua menjëherë kamerave duke thënë: “Për Kosovën, për Kosovën”.
