Presidentja Vjosa Osmani ka njoftuar sot një iniciativë të rëndësishme për ndryshime kushtetuese.
Në një postim të shpërndarë për publikun, Osmani deklaroi se ka proceduar amendamentet kushtetuese që parashohin zgjedhjen e Presidentit/es nga populli, duke iu referuar punës së Komisionit për amendamentimin e Kushtetutës të vitit 2011.
Ajo u bëri thirrje të gjitha partive politike që të mbështesin këtë nismë, duke theksuar rëndësinë e vendosjes së sovranitetit tek qytetarët: “Tash e tutje, le të flasë populli!”
Postim i plotë:
ZGJEDHJE TË DREJTPËRDREJTA PËR PRESIDENT!
Duke parë dështimet e njëpasnjëshme në zgjedhjen e Presidentes/it, sapo kam proceduar në Kuvend amendamentet kushtetuese për zgjedhje të drejtpërdrejta të Presidentit/es, të cilat ishin hartuar nga Komisioni për amendamentimin e Kushtetutës në vitin 2011.
I ftoj të gjitha partitë politike që të votojnë këto amendamente kushtetuese.
Tash e tutje, le të flasë populli!
