1
Nata e ndërrimit të viteve mbetet një nga festat më të dashura për shqiptarët, dhe përgatitjet nisën disa ditë më parë për t’u siguruar që mbrëmja e 31 dhjetorit të jetë e veçantë dhe e plotë.
Fishekzjarrët, ëmbëlsirat, gatimet tradicionale, programet televizive dhe pemët e ndriçuara janë vetëm disa nga detajet që e bëjnë këtë festë kaq të veçantë në krahasim me të tjerat.
Përveç këtyre, shqiptarët ruajnë edhe disa tradita unike që nuk gjenden lehtësisht në vendet përreth. Një nga më karakteristikat është zakoni se kush duhet të hyjë i pari në shtëpi në ditën e parë të vitit.
Sipas gojëdhënave, kur i pari që hyn në shtëpi është një fëmijë i gjinisë mashkullore, gjithë viti do të shkojë mirë dhe pa probleme. Pra, për ata që i besojnë këtyre besimeve, është e rëndësishme që fillimisht të lejohet të futet një djalë i vogël në shtëpi, e më pas të tjerët.
Kjo traditë, e mbushur me simbolikë dhe shpresë, vazhdon të jetë pjesë e festimeve shqiptare të Vitit të Ri, duke sjellë gëzim dhe optimizëm për fillimin e vitit të ri.
