Nëse po pyesni a është një ide e mirë të dërgoni një mesazh të pafajshëm “Gëzuar ditëlindjen!” ish-it tuaj, ja përgjigjja e shkurtër: Nuk është!
Por përgjigjja e gjatë është pak më e ndërlikuar. Nëse mendoni se dërgimi i një mesazhi “Gëzuar ditëlindjen!” personit që dikur keni qenë në i/e dashuruar, duket krejtësisht i padëmshëm, jeni gabim. Është sinonim i mesazhit “të lutem, rikthehu”.
Ja disa këshilla miqësore :
1. Nëse marrëdhënia ishte e tillë që ju bënte të ndiheshit keq, është më mirë të ruani paqen tuaj. Investoni kohën në njerëz që ju motivojnë.
2. Ju e keni përfunduar atë që kishit dhe të dy keni ecur përpara. Një mesazh për ditëlindje nga hiçi jep idenë se vazhdoni të mendoni për të dhe doni të riktheheni prapë bashkë.
3. Biseda me të mund të rikethjë kujtime të vjetra dhe të hapë plagë që po shërohen.
4. Komunikimi me të mund të nxisë shpresa për rikthim të mundshëm tek të dyja palët.
Këto mesazhe nuk kanë të bëjnë fare me dëshirën që ish-i të jetë i lumtur, por janë për të vendosur një superioritet emocional. Mesazhi i fshehtë pas çdo “Gëzuar ditëlindjen” nga një ish është: “Shiko sa mirë e kam kaluar ndarjen që mund të të uroj një ditë të “lumtur” dhe nuk mbaj inat!”.
Një mesazh për ditëlindje nga një ish gjithmonë vjen me shprehje si: “…dhe shpresoj që je mirë,” ose, “e di që ka kaluar kohë që kur kemi folur, por…”
Gjithçka do të ishte shumë më e lehtë nëse do të kishte vetëm një rregull të vendosur për këtë situatë. Dhe ai rregull duhet të jetë: Thjesht mos e dërgoni atë mesazh të mallkuar. Mos e mbani telefonin pranë për 24 orë nëse është e nevojshme, sepse dhurata më e mirë që mund t’i jepni çdo ish-i për ditëlindje është ta lësh rehat.
Shënim: Kjo nuk vlen për ish-in tim të preferuar!
