Lajme

Një i lënduar nga vetaksidenti në rrugën Prishtinë – Pejë

Një person është lënduar, si pasojë e një vetaksident në rrugën Prishtinë – Pejë, i cili ka ndodhur mbrëmjen e së shtunës.

Policia e Kosovës ka njoftuar se vetaksidenti ka ndodhur te “Parku i Biznesit”.

“Rreth orës 17:20, policia është njoftuar për një aksident trafiku të ndodhur në rrugën nacionale Prishtinë-Pejë (Parku i Biznesit). Nga vendi i ngjarjes patrulla policore njofton se në aksident është përfshirë vetëm një veturë (vet-aksident). Si pasojë e aksidentit një person ka kërkuar ndihmë mjekësore. Patrulla e trafikut është marrë me procedurat në vend-ngjarje”, thuhet në njoftim.




TS Poll - Loading poll ...