Bordi turistik Visit Sweden po dhuron pesë ishuj privatë me qëllim që, siç thonë ata, “të ndajnë një perspektivë shumë suedeze të lirisë dhe përgjegjësisë në natyrë”, shkruan Euronews .
” Suedia ka më shumë ishuj se çdo vend tjetër në botë dhe ne do të donim t’i ftonim njerëzit të shijonin atë që është ndoshta forma më autentike e luksit: paqen dhe qetësinë e natyrës në ishullin e tyre”, thotë Susanne Andersson, CEO e Visit Sweden.Para se të filloni të planifikoni ta shndërroni ishullin tuaj privat në një vendpushim ose të filloni ndonjë biznes tjetër fitimprurës, ka disa kufizime.
Edhe pse do të ishte “ishulli juaj suedez”, siç sugjeron edhe emri i fushatës, ju nuk do ta zotëronit atë në të vërtetë dhe as nuk do të ishit në gjendje ta riemërtonit. Në vend të kësaj, do të bëheshit “kujdestari” zyrtar i ishullit (me një diplomë si provë) me të drejtën për ta përdorur atë për një vit.
Gjatë kësaj periudhe do të jeni në gjendje të bëni kamping, të notoni, të ftoni miq dhe të kaloni kohë në natyrë, me kusht që të tregoni konsideratë për jetën e egër dhe mjedisin vendas.
Meqenëse Suedia ka të drejtë për akses publik të integruar në ligj, edhe njerëz të tjerë do të jenë në gjendje të vizitojnë ishullin tuaj gjatë kësaj kohe.
