Mirel Mërtiri ka bërë një deklaratë të fortë duke thënë për emisionin e “Çim Peka Live” se prokurori i SPAK, Klodian Braho ka udhëtuar jashtë vendit me kriminelë. Ai pretendon se ka fakte për të, madje ka bërë një kallëzim në Strukturën e Posaçme kundër Korrupsionit dhe Krimit të Organizuar.
Mërtiri i është referuar sistemit TIMS ku sipas tij rezulton se Braho ka udhëtuar drejt Greqisë me persona me precedentë penal. “Ky fakt”, evidenton Mirel Mërtiri, “nuk është deklaruar në Vetting duke i shpëtuar kësaj procedure”.
“A e dini ju se Klodian Braho ka udhëtuar jashtë vendit me kriminelë? Unë e kam kallëzuar në SPAK. Ai i ka shpëtuar Vettingut duke mos treguar të vërtetën. Ka udhëtuar në Greqi me persona, me precedentë penalë”.
© Credits Syri.tv
A ju ndihmoi ky artikull?PoJo
