Presidentja e Kosovës, Vjosa Osmani ka shkruar sot në lidhje me homazhet që i kanë bërë tek varri i ish-Presidentit të Kosoës, Ibrahim Rugovës.
Ajo ka thënë se përveç tij, homazhe kanë bërë edhe tek varri i Adem Demaçit, dhe Adem Jasharit në Prekaz.
Përveç tyre, homazhe kanë bërë pranë pllakës përkujtimore të fëmijëve të vrarë gjatë luftës në Kosovë, si dëshmi e dhimbjes sonë të përbashkët dhe zotimit të përhershëm për drejtësi, si dhe para pllakës përkujtimore të personave të zhdukur me dhunë.
“Sot, flamuri i Kosovës valon mbi çdo qytet dhe çdo fshat të Kosovës. Ai simbolizon sakrificën e brezave, guximin e vajzave dhe djemve të UÇK-së dhe amanetin që na kanë lënë dëshmorët e kombit. Le të mbajmë lart flamurin e Kosovës, flamurin e lirisë dhe sakrificës. Le të përulemi përpara kujtimit të heronjve tanë dhe ta vazhdojmë rrugën e tyre me krenari, guxim dhe dashuri për atdhe! Rrofsh për jetë e mot, Kosova jonë e dashur!“, ka shkruar Osmani.
