1
Parashikimi i motit për javën e ardhshme në Kosovë paralajmëron mot kryesisht të vranët, me intervale të shkurtra me diell.
Instituti Hidrometeorologjik i Kosovës bën të ditur se në orët e mëngjesit do të ketë ngrica dhe, në disa zona, edhe mjegull, ndaj u bëhet thirrje pjesëmarrësve në trafik të tregojnë kujdes të shtuar.
Sipas Institutit, gjatë javës temperaturat do të mbeten të ulëta, sidomos në mëngjes dhe në mbrëmje. Të hënën, temperaturat minimale do të lëvizin nga -9 deri në -7 gradë Celsius, ndërsa maksimalet nga -1 deri në 3 gradë. Edhe të martën parashihen temperatura minimale prej -9 deri -7 gradë, ndërsa maksimalet nga 1 deri në 5 gradë Celsius.
Të mërkurën, temperaturat minimale do të jenë nga -8 deri në -5 gradë, ndërsa ato maksimale nga 1 deri në 4 gradë Celsius. Ndërkohë, të enjten priten vende-vende riga shiu, kurse në zonat malore edhe fjolla bore. Temperaturat minimale atë ditë do të shënojnë nga -3 deri në -1 gradë, ndërsa maksimalet nga 3 deri në 5 gradë Celsius.
Sipas parashikimit, të premten temperaturat minimale do të lëvizin nga -2 deri në 1 gradë Celsius, ndërsa maksimalet nga 3 deri në 7 gradë.
