Bota e muzikës është në zi pasi u raportua se ish-ylli i One Direction Liam Payne vdiq tragjikisht pas një rënieje nga kati i tretë i një hoteli në Buenos Aires, Argjentinë.
Partnerja e Liam Payne, Kate Cassidy , ka thyer heshtjen për vdekjen e tij.
“Faleminderit për të gjitha fjalët e mira dhe dashurinë që më keni dërguar. Jam në një shok total. Asgjë nga ditët e fundit nuk ishte e vërtetë për mua. Kërkoj dhe lutem që të më jepni hirin dhe hapësirën për ta menaxhuar këtë privatisht. Liam, engjëlli im! Ti je gjithçka për mua. Dua të dish se të kam dashur pa kushte. Unë do të vazhdoj të të dua për pjesën tjetër të jetës sime. Të dua Liam”, shkroi ajo.
Pavarësisht nga marrëdhëniet e kaluara, Liam Payne dhe Kate nisën lidhjen e tyre në 2022. Edhe pse thashethemet u përhapën për një ndarje të mundshme në maj 2023, dyshja mbetën së bashku deri në vdekjen e tij të papritur.
