4
Kryeministri i Kosovës, Albin Kurti, është deklaruar rreth takimit të sotëm që pati me kryeministrin e Shqipërisë, Edi Rama.
Përmes një njoftimi në Facebook, ai tha: “Mirëprita Kryeministrin e Shqipërisë, Edi Rama. Diskutuam për marrëveshjet bilaterale që kemi dhe fushat se ku mund t’i shtojmë ato, për mundësitë e reja dhe si t’i shfrytëzojmë sa më mirë, si dhe për sfidat e përbashkëta dhe mënyrat për t’i tejkaluar ato sa më lehtë“.
Mes tjerash, i pari i ekzekutivit deklaroi se me mandatet e reja, do t’u shërbejnë të dyja republikave.
“Me mandatet tona të ripërtërira, përmes bashkëpunimit ndërqeveritar dhe ndërshtetëror, le t’u shërbejmë edhe më tej e më shumë qytetarëve në të dyja republikat dhe kombit tonë mbarë”, shkroi Kurti.
