Situata në Spanjë paraqitet e rënduar dhe pamjet janë thjesht të frikshme.
Përmbytje katastrofike mbuluan Zaragozën në veri të vendit.
Dalja nga shtrati e lumenjve, si pasojë e reshjeve të dendura bëri që ujërat të vërshojnë rrugëve të qytetit dhe të marrin me vete edhe automjete.
Të gjendur në mes të rrjedhës së tërbuar, qytetarët u kapën pas shkurreve e pemëve dhe u ngjitën mbi mjetet e tyre për të shpëtuar.
Moti i keq shkaktoi dëme të mëdha edhe në veri të Italisë, veçanërisht në zonat e banuara përreth liqenit të Komos. Këto janë pasojat në zonat pranë Lekos. Rëshqitjet e tokës mbuluan rrugë e automjete edhe në Dongo qytezën tjetër buzë liqenit.
