Është diçka e njohur për shumë njerëz, që janë përpjekur të gjejnë motivimin për të shkuar në club pas disa cigareve. Por tani ka edhe prova të forta se pirja e duhanit të marijuanës, mund t’i bëjë njerëzit të pinë më pak alkool, thotë ekipi që qëndron pas një studimi të ri.
Në një studim të udhëhequr nga studiues të Universitetit Brown, vullnetarëve iu dha një përzierje marihuane me nivele të ndryshme potence dhe placebo – pas së cilës atyre iu “ofruan porcione të pijes së tyre të preferuar alkoolike në një tabaka” ose opsioni i parave në vend të tyre.
Pjesëmarrësit ishin më pak të prirur të pinin një pije, nëse kishin pirë një cigare të vogël në vend të një placebo, zbuluan studiuesit, duke paralajmëruar se rezultatet “nuk do të thotë që kanabisi duhet të rekomandohet si një zëvendësim terapeutik për alkoolin”.
“Kanabisi uli dëshirën për alkool në çast, uli sasinë e alkoolit që njerëzit konsumonin gjatë një periudhe dy-orëshe dhe madje vonoi fillimin e pirjes sapo alkooli u bë i disponueshëm”, tha Jane Metrik, një profesoreshë psikiatrie, duke përshkruar gjetjet e ekipit.
Autorët paralajmëruan se “vetë kanabisi mund të shkaktojë varësi dhe se – ashtu siç është rasti me alkoolin – ekziston rreziku që të përparojë në përdorim problematik të kanabisit”.
I botuar në American Journal of Psychiatry, hulumtimi u bazua në një seri vizitash laboratorike nga 157 pjesëmarrës të përshkruar si konsumues të rëndë të alkoolit, që pinë kanabis të paktën dy herë në javë./ DPA News.
