32
Një shtetas i Shqipërisë është plagosur në Nec të Gjakovës pasditen e së dielës. I njëjti gjendet jashtë rrezikut për jetë.
Ngjarja është bërë e ditur për media nga drejtori i Policisë për rajonin e Gjakovës, Lumni Graishta.
Ai tha se ende nuk dihen motivet që çuan në incident.
Sipas deklaratave të viktimës dhënë organeve të rendit, dy persona e kanë sulmuar pasi fillimisht i kishin kërkuar ndihmë duke pretenduar se automjeti i tyre kishte defekt.
Viktima pohon se të dyshuarit e kanë goditur me shufra metalike dhe më pas e kanë plagosur me armë zjarri.
