Edicioni i katërt i “Big Brother VIP Kosova” përfundoi të premten, por dramat jo.
Ndërsa vëmendja ishte përqendruar te finalja, një tjetër dramë po zhvillohej paralelisht, dhe bëhet fjalë për dy opinionistet e këtij edicioni, Leonora Jakupi dhe Olta Gixhari.
Në fillim, dyshja dukej e afërt, vëtëm për të na vërtetuar të kundërtën në fund.
Situata u bë edhe më e qartë në ditën e finales, kur Leonora vendosi ta heqë Oltën nga lista e ndjekësve në Instagram. Nuk vonoi shumë dhe Olta reagoi në të njëjtën mënyrë, duke i kthyer “qokën” Leonorës.
Ky veprim ka nxitur aludime për një krisje në marrëdhënien mes tyre, teksa nuk dihet zanafilla e prishjes së raportit mes dy opinionisteve. (Kuptohet, sapo ta dimë, do t’jua themi.)
Por, kjo nuk është hera e parë që Olta Gixhari përplaset me opinionistët që e shoqërojnë. Edicionin e kaluar, ish-opinionisti Milaim Zeka bëri një deklaratë të fortë për “Prive”, duke treguar se ajo e kishte kërcënuar.
“Problemi im më i madh ishte me Olta Gixharin, sepse ishte femër. Ne jemi edukuar që ligësia më e madhe ndodh kur njeriu përballet me fëmijë dhe femra. Po të ishte mashkull, ky do të kishte qenë skandali më i madh në historinë e ‘Big Brother’.”
