Presidentja hungareze Katalin Novak ka dhënë dorëheqjen.
Novak njoftoi dorëheqjen e saj të shtunën pasi u vu nën presion në rritje për faljen e një burri të dënuar si bashkëpunëtor për mbulimin e një rasti të abuzimit seksual në një shtëpi fëmijësh.
“Kam bërë një gabim … Sot është dita e fundit që ju drejtohem si presidente,” tha ajo në një fjalim të transmetuar në televizionin shtetëror.
“Kam marrë një vendim për faljen në prill të vitit të kaluar, duke besuar se i dënuari nuk ka abuzuar me cenueshmërinë e fëmijëve që ai kishte mbikëqyrur,” shtoi ajo.
Të paktën 1,000 njerëz protestuan në kryeqytetin e vendit të premten, duke kërkuar dorëheqjen e saj. Partitë opozitare hungareze kishin kërkuar gjithashtu që ajo të largohej nga detyra.
Novak vendosi të falte rreth dy duzina njerëzish në prill 2023, përpara një vizite të Papa Françeskut, mes tyre edhe zëvendësdrejtori i një shtëpie fëmijësh që ndihmoi ish-drejtorin e shtëpisë të fshihte krimet e tij.
/tiranapost
