Lajme

Presidentja Osmani uron 7 Marsin: Nderojmë të gjithë mësuesit, ata që na mësuan shkronjat e para dhe ata që ende mësojnë brezat e rinj

Presidentja e Kosovës, Vjosa Osmani, ka uruar 7 Marsin, ditën e mësuesit.

Osmani ka kujtuar themelimin e shkollës së parë shqipe në Korçë më 1887.

“Më 7 Mars kujtojmë themelimin e shkollës së parë shqipe në Korçë më 1887, një akt i guximshëm i patriotëve tanë, që e kuptuan se pa gjuhë dhe dije, nuk ka as komb të suksesshëm”.

TS Poll - Loading poll ...

Presidentja nderon të gjithë mësuesit – duke theksuar “ata që na mësuan shkronjat e para dhe ata që ende mësojnë brezat e rinj”.

“Sot, shkolla është më shumë se një institucion mësimor – është fortesa ku ndërtohet e ardhmja. Mësuesit mbeten shtylla e shoqërisë dhe ata që formësojnë mendjet dhe zemrat e kombit.

Në këtë ditë, nderojmë të gjithë mësuesit – ata që na mësuan shkronjat e para dhe ata që ende mësojnë brezat e rinj. Respekt, mirënjohje dhe përulësi para misionit të tyre fisnik!

Gëzuar 7 Marsin, Ditën e Mësuesve!”.