Pas rreth pesë vitesh në ekran si një prej figurave të moderimit sportiv, Lorina Dula vendosi disa muaj më parë të mbyllte këtë kapitull të karrierës. Largimi i saj solli pikëpyetje edhe për projektin e radhës dhe një rikthim të mundshëm në televizion.
Së fundmi, moderatorja ka zhvilluar një bashkëbisedim me ndjekësit në Instagram, ku nuk kanë munguar pyetjet për planet e saj profesionale.
Një prej tyre lidhej drejtpërdrejt me mundësinë që Lorina të bëhej pjesë e sezonit të ri të “Big Brother VIP”. Përgjigjja e saj ishte e prerë.
“Me u rikthy në TV po, në Big JO!!”, shkroi ajo, duke konfirmuar kështu se rikthimin në ekran e ka në planet e saj, por jo përmes reality show-t.
Lorina u pyet gjithashtu për arsyen që e shtyu të largohej nga angazhimi i mëparshëm televiziv. Edhe pse nuk dha detaje, përgjigjja e saj la të kuptohej se mund të jetë duke përgatitur një projekt tjetër.
“Për diçka ma të bukur”, u përgjigj moderatorja.
Ndërkohë, pavarësisht pauzës nga televizioni, Lorina ka vijuar të jetë aktive publikisht. Ditët e fundit ajo është parë edhe në protestat e zhvilluara në Prishtinë pas vendimit të Dhomave të Specializuara në Hagë.
Se cili do të jetë projekti që do ta rikthejë në ekran, moderatorja nuk e ka zbuluar ende. Për momentin, ajo ka konfirmuar vetëm dy gjëra: rikthimi në televizion është në planet e saj, ndërsa pjesëmarrja në “Big Brother VIP” jo.
