Princi Harry ka akuzuar autoritetet britanike të sigurisë se nuk e kanë informuar ekipin e tij për një kërcënim të mundshëm nga al-Qaeda, sipas dokumenteve të paraqitura në kuadër të betejës së tij ligjore për mbrojtjen policore në Mbretërinë e Bashkuar.
Ekipi ligjor i Harryt pretendon se kreu i RAVEC, komitetit që vendos për sigurinë e anëtarëve të familjes mbretërore dhe figurave publike, nuk ka komunikuar me ekipin e tij për një kërcënim të tillë.
Çështja lidhet me vendimin për t’i ofruar Harryt një nivel më të kufizuar sigurie policore gjatë vizitave të tij në Britani, pasi ai dhe bashkëshortja e tij Meghan u larguan nga detyrat si anëtarë aktivë të familjes mbretërore.
Harry ka argumentuar se statusi i tij dhe kërcënimet ndaj tij kërkojnë mbrojtje të posaçme gjatë qëndrimit në vend.
