Qeveria e Kosovës ka miratuar ndarjen e 500 mijë eurove për mbështetjen e qytetarëve të Kosovës që ndodhen në Lindja e Mesme dhe janë prekur nga situata e sigurisë në rajon.
Vendimi është marrë gjatë një mbledhjeje elektronike të mbajtur të premten, pas kërkesës së Ministrisë së Punëve të Jashtme dhe Diasporës për ndarjen e mjeteve buxhetore në këtë shumë.
Sipas vendimit të qeverisë, fondet do të përdoren për të ndihmuar qytetarët kosovarë që ndodhen në këtë rajon dhe që janë prekur nga zhvillimet e fundit të sigurisë.
Situata në Lindjen e Mesme është përshkallëzuar pasi Shtetet e Bashkuara të Amerikës dhe Izraeli ndërmorën sulme ndaj Iran në fund të muajit shkurt. Në kundërpërgjigje, Irani ka lëshuar raketa drejt disa vendeve fqinje arabe, ku sipas autoriteteve kosovare ndodhen edhe qytetarë shqiptarë.
Në të njëjtën mbledhje, qeveria ka autorizuar gjithashtu transferimin e mjeteve nga nënprogrami “Shpenzimet e Paparashikuara” në nënprograme të tjera për shuma individuale deri në 40 mijë euro.
Po ashtu, ekzekutivi ka ndarë 370 mijë euro për Asociacioni Ndërkombëtar për Zhvillim (IDA) dhe ka miratuar propozimin e Ministria e Financave për rekomandimin ndaj presidentes për autorizimin e ministrit të Financave për nënshkrimin e një marrëveshjeje kredie me KfW në kuadër të programit për energjinë dhe klimën në Kosovë. /teve1.info/
