Akademia Mbretërore Suedeze e Shkencave vendosi këtë të mërkurë t’i japë çmimin Nobel të këtij viti në Kimi në mënyrë të barabartë për David Baker “për dizajnin llogaritës të proteinave”, dhe gjysmën tjetër Demis Hassabis dhe John M. Jumper “për parashikimin e strukturës së proteinave”.
Fituesit do të ndajnë një çmim në të holla në vlerë prej 11 milionë korona suedeze (rreth 1.000.000 euro).
Çmimi i kimisë është dhënë që nga viti 1901 dhe deri më tani ka pasur 115 laureatë.
Çmimi, i konsideruar gjerësisht si ndër më prestigjiozët në botën shkencore.
“Një nga zbulimet e njohura këtë vit ka të bëjë me ndërtimin e proteinave spektakolare. Tjetra ka të bëjë me përmbushjen e një ëndrre 50-vjeçare: parashikimin e strukturave proteinike nga sekuencat e tyre të aminoacideve,” tha akademia në një deklaratë.
Çmimi i tretë që do të shpërndahet çdo vit, çmimi i kimisë pason ato për mjekësinë dhe fizikën e shpallur në fillim të kësaj jave.
Emri i fituesit të çmimit Nobel për Letërsi do të shpallet të enjten në Stokholm. Më 11 tetor, në Oslo do të shpallet emri i fituesit të çmimit Nobel për Paqe të këtij viti. Emri i fituesit të çmimit Nobel në Ekonomi do të bëhet i ditur më 14 tetor dhe do të shpallet në Stokholm. Çmimet do të jepen në ceremonitë në Stokholm dhe Oslo më 10 dhjetor, në përvjetorin e vdekjes së shkencëtarit suedez Alfred Nobel, i cili vendosi çmimin.
Çmimet Nobel u vendosën me vullnetin e shpikësit të dinamitit dhe biznesmenit të pasur Alfred Nobel dhe u jepen “atyre që, gjatë vitit paraardhës, do t’i kenë dhënë përfitimet më të mëdha njerëzimit”.
/rtsh.al/
