Nisja e shkollës fillore është një moment i madh dhe emocionues për fëmijët. Një nisje pozitive është lidhur shpesh me suksesin shoqëror dhe akademik të tyre gjatë vitit të parë.
Fëmijët në përgjithësi përshtaten mirë me mjedise të reja, me rregulla dhe strukturë. Megjithatë, për prindërit dhe kujdestarët, kjo periudhë mund të jetë stresuese, pasi shqetësohen nëse fëmija do të bëjë miq të rinj, do të kuptojë rregullat dhe do të përparojë në mësime.
Shumë fëmijë mezi presin të nisin shkollën, por një pjesë tjetër mund të ndihen të pasigurt. Këto shqetësime shfaqen shpesh përmes sjelljes: bëhen më të lidhur me prindërit, e kanë të vështirë të ndahen prej tyre, shfaqin emocione më të forta se zakonisht ose refuzojnë të ndjekin udhëzimet. Pas javëve të para, disa mund të hezitojnë të shkojnë në shkollë, të ankohen se janë sëmurë ose të tregojnë qëndrime negative ndaj saj.
Këto janë reagime tipike përballë ndryshimit dhe pasigurisë dhe zakonisht zbuten me kohën, ndërsa fëmija përshtatet me rutinën. Por kjo nuk e bën më të lehtë për prindërit. Ja disa këshilla të dobishme:
Nxitni optimizëm dhe gëzim
Fëmijët duan të dinë për shkollën e re dhe njerëzit që do të takojnë. Ndihmojini të krijojnë emocione pozitiv: kaloni pranë shkollës, provoni uniformën dhe flisni mirë për këtë përvojë. Nëse ata shprehin shqetësime, dëgjojini dhe sigurojini se do t’i ndihmoni të përballojnë çdo vështirësi.
Inkurajoni kureshtjen
Flisni për gjërat që i pëlqyen në kopsht apo çerdhe dhe për ato që presin nga shkolla. Lidhni eksperiencat e përditshme me shkollën, si për shembull lodrat në park që mund të ngjajnë me ato të shkollës. Diskutoni për librat apo aktivitetet që mund të ndajnë me shokët.
Përqendrohuni te marrëdhëniet
Forconi lidhjen me fëmijën përmes rutinave të mëngjesit dhe mbrëmjes. Jepuni një shenjë kujtimi, si një vizatim të vogël në dorë ose diçka personale në çantë. Tregohuni miqësorë me mësuesit dhe prindërit e tjerë, duke modeluar aftësi sociale.
Inkurajoni kureshtje
Flisni për gjërat që u kanë pëlqyer në kopsht apo çerdhe dhe për ato që presin nga shkolla. Lidhni eksperiencat e përditshme me shkollën, si për shembull lodrat në park që mund të ngjajnë me ato të shkollës. Diskutoni për librat apo aktivitetet që mund të ndajnë me shokët.
Përqendrohuni te marrëdhëniet
Forconi lidhjen me fëmijën përmes rutinave të mëngjesit dhe mbrëmjes. Jepuni një shenjë kujtimi, si një vizatim të vogël në dorë ose diçka personale në çantë. Tregohuni miqësorë me mësuesit dhe prindërit e tjerë, duke modeluar aftësi sociale.
Kuptoni kërkesat e shkollës dhe festoni arritjet
Prisni që fëmija të lodhet më shumë ose të tregojë sjellje të vështira. Ulni pritshmëritë pas shkolle dhe mos insistoni për aktivitete shtesë në fillim. Mos e mbingarkoni me pyetje për ditën, por prisni që të ndajë vetë informacion. Lavdërojini për arritjet dhe gëzimet e tyre, sado të vogla.
Kujdesuni edhe për veten
Mbështetja juaj është thelbësore, por po aq e rëndësishme është mirëqenia juaj. Lidhuni me miqtë, bisedoni me prindër të tjerë dhe ruani optimizmin për vitin e parë të fëmijës në shkollë. Shanset janë që ata ndihen njësoj si ju. / The Conversation – Syri.net
