Sot besimtarët bektashinj dhe shumë shqiptarë të tjerë festojnë Sulltan Novruzi, një nga festat më të rëndësishme në traditën bektashiane, e cila simbolizon rilindjen, paqen dhe fillimin e një cikli të ri në natyrë dhe në jetën shpirtërore të njeriut. Kjo festë përkon me ardhjen e pranverës dhe lidhet me besimin për një fillim të ri, me më shumë mirësi, harmoni dhe begati.
Në traditën bektashiane, Sulltan Novruzi lidhet me ditëlindjen e Imam Aliut, figurë shumë e nderuar në këtë besim, dhe për këtë arsye dita ka një domethënie të veçantë fetare dhe kulturore. Besimtarët e kremtojnë me lutje, vizita në teqe, si dhe me aktivitete familjare, duke ndarë ushqime tradicionale dhe duke uruar njëri-tjetrin për mbarësi.
Në Shqipëri, kjo festë njihet edhe si një moment bashkimi dhe tolerance, ku njerëzit, pavarësisht besimit, urojnë për paqe dhe mirësi. Në shumë qytete zhvillohen aktivitete festive, ndërsa institucionet bektashiane hapin dyert për besimtarët dhe vizitorët.
