Reperi i njohur Stresi, i ftuar në emisionin “Live From Tirana,” ka dhënë një intervistë ku ka folur për disa çështje të nxehta që kanë trazuar rrjetet sociale kohët e fundit, përfshirë deklaratat e Bernardit në “Big Brother VIP”, ku ai pranoi publikisht orientimin e tij seksual si homoseksual. Stresi ka shprehur mendimet e tij për këtë çështje, duke e quajtur një çështje delikate dhe duke theksuar se ai është kundër shpërndarjes së këtij mesazhi në reality show.
Ai u shpreh se ka një qëndrim të fortë kundër atyre që, sipas tij, po përpiqen të ndryshojnë konceptet tradicionale të familjes, duke e cilësuar këtë si një sulm ndaj vlerave të familjes dhe kombit. “Këta po e zhdukin fjalën ‘nënë’ dhe ‘bab’. Këta po i zhdukin këto vlera,” tha Stresi.
Për më tepër, reperi shprehu dyshimet e tij se disa individë të komunitetit LGBTQ+ dhe aktivistët që mbrojnë të drejtat e këtij komuniteti janë paguar nga organizata të mëdha për të përhapur këto ide. Stresi theksoi gjithashtu se ai beson se këta individë po dëmtojnë vlerat e familjes dhe të kombit shqiptar, duke theksuar se kjo është një sfidë e madhe që i duhet përballuar në shoqërinë shqiptare.
“Këta njerëz flasin kundër urrejtjes, kur urrejnë familjen e vet. E urrejnë sepse nuk janë askush që të zhdukin fjalën ‘nënë’ e ‘bab’. Këta po e zhdukin.
Këto specie të tilla, nuk e di si marrin guximin të bëjnë deklarata të tilla në një reality show. Kam më shumë respekt për ata që janë diskret, by*****… Kam shumë arsye të forta pse jam kundër atyre dhe do jem gjithmonë.
Kam të drejtën të mendoj dhe kam dyshimet e mia, që këta paguhen nga një organizatë e madhe që të përhapin këtë frymë në reality show. Xheni Karaj paguhet patjetër. Kam mendimet e mia, qofshin të gabuara apo jo. Këta prishin vlerat e familjes.
Është sfidë e madhe të flasësh kundër tyre. Por ne si popull kemi sfida më të mëdha. Jam këtu për të folur kush ka fëmijë që do t’i rrisë e t’i edukojë, duhet të ngrejë zërin se fëmija i tyre mund të rritet e të bëhet pjesë e këtyre komuniteteve.
Se çfarë bëjnë ata me prapanicat e veta nuk është puna ime. Unë jam këtu për të treguar replikat dhe kritikat e mia, dhe mendimin tim shumë të fortë. Këta kanë luajtur me simbolet tona kombëtare. Dhe ky është gabim i madh. Janë vlera antikombëtare. I bie që nuk e duan Shqipërinë.”
