1
Sot do të mbahet seanca për caktimin e masës së paraburgimit ndaj të dy të dyshuarve për sulmin fizik ndaj kryetari të Pejës, Gazmend Muhaxheri.
Zëdhënësi i Prokurorisë Themelore të Pejës, Shkodran Nikçi, ka bërë të ditur të shtunën për Klankosova.tv se tashmë e kanë bërë kërkesën për caktimin e masës së paraburgimit.
“Personat në fjalë akuzohen për veprat penale ‘sulm ndaj personit zyrtar’ dhe ‘lëndim i lehtë trupor’”, ka thënë Nikçi.
Në rastin e sulmit ndaj kryetarit të Pejës është lënduar shoqëruesi i Muhaxherit, ndërsa ai është në gjendje të mirë shëndetësore.
