Ambasadorja e SHBA-së në Shkup, Angela Ageler, ka paralajmëruar zgjerimin e listës së zezë me persona të tjerë të dyshuar për korrupsion në Maqedoninë e Veriut.
Në një deklaratë për gazetarët, Ageler ka thënë se vendosja në listën e zezë ish-zëvendëskryeministrin maqedonas, Koço Angjushev u bë pas provave të shumta të cilat e përfshinin atë në afera të mëdha korruptive. Duke mos dashur të japë emra konkretë, ambasadorja theksoi të tjerë persona do të shpallen non-grata nga Shtetet e Bashkuara të Amerikës.
“Mund t’ju premtoj se ka njerëz të tjerë, rastet e të cilëve janë duke u përpunuar në Uashington. Nuk dua të spekuloj se kur do të shpallen, por ju premtoj se ky nuk ishte emri i fundit”, tha Ageleri.
Më 5 dhjetor, Departamenti amerikan i Shtetit e futi në listën e zezë ish-zëvendëskryeministrin maqedonas, Koço Angjushev, ndërsa para tij edhe disa politikanë dhe biznesmenë të tjerë të profilit të lartë, si kryetari i Komunës së Strugës, Ramiz Merko dhe biznesmeni kontrovers, Orce Kamçev.
A ju ndihmoi ky artikull?PoJo
