Isak Andic, themeluesi i zinxhirit të modës së lartë, Mango, gjeti vdekjen si pasojë e një aksidenti rrugor në Spanjë të shtunën, tha kompania.
Miliarderi 71-vjeçar rrëshqiti dhe ra nga një shkëmb 150 metra, ndërsa po ecte me të afërmit në shpellat Montserrat pranë Barcelonës, sipas raporteve të mediave lokale.
Gazeta El País raportoi se djali i Andic ishte në vendin e aksidentit, dhe policia u thirr rreth orës 13:00 me një helikopter së bashku një njësi të specializuar malore të dërguar në vendngjarje.
Shefi ekzekutiv i Mango, Toni Ruiz tha në një deklaratë: “Me keqardhje të thellë njoftojmë vdekjen e papritur të Isak Andic, kryetarit tonë jo-ekzekutiv dhe themeluesit të Mango, në një aksident që ndodhi këtë të shtunë.
“Isaku ka qenë shembull për të gjithë ne. Ai ia kushtoi jetën Mangos, duke lënë gjurmë të pashlyeshme falë vizionit të tij strategjik, lidershipit të tij frymëzues dhe përkushtimit të tij të palëkundur ndaj vlerave, që ai vetë mbarti në kompaninë tonë.
“Trashëgimia e tij pasqyron arritjet e një projekti biznesi të shënuar nga suksesi, si dhe nga cilësia e tij njerëzore, afërsia e tij dhe kujdesi dhe dashuria ,që ai kishte gjithmonë dhe në çdo kohë përçonte në të gjithë organizatën.
“Largimi i tij lë një boshllëk të madh, por të gjithë ne jemi, në një farë mënyre, trashëgimia e tij dhe dëshmia e arritjeve të tij.”
Deklarata shtoi: “Është në dorën tonë, dhe ky është nderimi më i mirë që mund t’i bëjmë Isak dhe që do ta përmbushim, për të siguruar që Mango të vazhdojë të jetë projekti, që Isak aspironte dhe për të cilin ai do të ndihej krenar.
“Në këto kohë jashtëzakonisht të vështira ne ndajmë dhimbjen e familjes, sikur të ishte e jona.”
Andiç emigroi në moshën 13-vjeçare me familjen e tij në rajonin verilindor spanjoll të Katalonjës nga Turqia në vitet 1960.
Ai filloi t’u shesë bluza kolegëve të shkollës së mesme amerikane të Barcelonës. Sipërmarrësi i ri më pas përparoi drejt drejtimit të një biznesi me shumicë, duke shitur rroba në tregun Balmes Street të Barcelonës, por kuptoi se kishte më shumë para në shitje me pakicë dhe hapi dyqanin e parë Mango në qytet më 1984.
Pasuria neto e biznesmenit të lindur në Stamboll është 4.5 miliardë dollarë (3.6 miliardë £), sipas Forbes, dhe ai ishte kryetar jo-ekzekutiv i kompanisë kur vdiq.
Mango kishte një qarkullim prej 3.1 miliardë euro (2.6 miliardë £) më 2023 me 33% të biznesit të saj në internet dhe një prani në më shumë se 120 vende.
Dyqani i parë i markës në Mbretërinë e Bashkuar u hap në vitin 1999 dhe tani ka më shumë se 60 degë në të gjithë vendin/ The Guardian.
