Në një intervistë për revistën Bordo, gazetarja e njohur Aulona Musta ka shprehur mendimin e saj rreth emisioneve dhe figurave publike që shfaqen në televizionet shqiptare.
Kur u pyet nëse ka emisione që nuk meritojnë të transmetohen, ajo u përgjigj se nuk ka programe që duhet të hiqen plotësisht nga ekrani. Megjithatë, ajo shënjestroi disa personazhe specifike, duke deklaruar se janë individët ata që nuk meritojnë të jenë në ekran.
“Nuk mendoj që ka emisione që nuk meritojnë asnjë minutë transmetim. Mendoj që ka personazhe që nuk meritojnë asnjë sekondë transmetim,” u shpreh ajo.
Aulona shtoi se këta persona janë ata që dalin me titullin e moderatores apo gazetarit, por nuk janë në gjendje të artikulojnë një fjali të plotë.
“Të gjithë ata që dalin me statusin e moderatorit, apo gazetarit, ndërkohë që nuk dinë të artikulojnë një fjali nga fillimi në fund,” tha Aulona.
