Koloseu ka marrë një pamje të re mbresëlënëse pas një projekti restaurimi që rikthen pjesërisht madhështinë e tij të lashtë. Duke përdorur mermer travertin, i njëjti material i përdorur nga romakët para 2,000 vitesh, janë rikrijuar gjurmët e kolonave që dikur rrethonin arenën ikonike në Romën e lashtë.
Projekti është përqendruar në një shesh gjysmë rrethor jashtë arenës, ku spektatorët e lashtë prisnin për të hyrë.
Arkitekti italian Stefano Boeri shpjegoi se synimi ishte rikthimi i perceptimit të përmasave dhe strukturës së harqeve origjinalë. Gjatë punimeve, restauruesit zbuluan objekte historike si monedha, statuja, kocka kafshësh dhe një unazë ari, duke shtuar vlerë arkeologjike projektit.
Një tjetër atraksion është kalimi sekret nëntokësor që përdorte perandori Komodusi, i cili tashmë është i hapur për publikun.
/rtsh.al/
