Një nga balenat më të rralla në botë është gjetur nga një grup shkencëtarës të hënën e 1 dhjetorit në Zelandën e Re. Balena është shumë e rrallë ndërsa mësohet se vetëm shtatë të llojit të saj janë parë ndonjëherë. Ndërkohë pothuajse asgjë nuk dihet për specien enigmatike.
Shkencëtarësh dhe ekspertë kulturorë në Zelandën e Re u grumbulluan të hënën rreth një balene me dhëmbë lopata, duke shpresuar të deshifrojnë misterin e dekadave. Anton van Helden, këshilltar i lartë i shkencës detare për agjencinë e ruajtjes së Zelandës së Re tha se për të personalisht, është e pabesueshme që arriti të shohë nga afër një balenë të tillë.
Van Helden ka studiuar balenat me sqep për 35 vjet, por e hëna ishte hera e parë që arriti të shihte nga afër një balenë me dhëmbëza. Balena u gjet e ngordhur në një plazh të Zelandës së Re në korrik, është i pari që ka ndodhur ndonjëherë ndërsa shkencëtarët po studiojnë rreth saj pasi asnjë nuk është parë ndonjëherë i gjallë në det.
Lista e asaj që shkencëtarët nuk dinë për balenat me dhëmbëza është më e gjatë se ajo që ata dinë. Ata nuk e dinë se ku jetojnë balenat në oqean, pse nuk janë parë kurrë në natyrë. Të gjitha balenat me sqep kanë sisteme të ndryshme të stomakut dhe studiuesit nuk e dinë se si lloji me dhëmbëza e përpunon ushqimin e tij. Ata nuk e dinë se si ndordhi balena në fjalë.
Gjatë javës së ardhshme, studiuesit që studiojnë mashkullin 5 metra të gjatë në një qendër kërkimore bujqësore pranë qytetit të Dunedin shpresojnë të zbulojnë shumë detaje të reja rreh balenave. Vetëm gjashtë balena të tjera me dhëmbë lopatë janë gjetur ndonjëherë, por të gjitha ato që u zbuluan të paprekura u varrosën përpara se testimi i ADN-së të mund të verifikonte identifikimin e tyre.
Mendohet se balenat me dhëmbë lopatë jetojnë në Oqeanin Paqësor Jugor, shtëpia e disa prej specieve më të thella të oqeanit në botë. Balenat me sqep janë zhytësit më të thellë të oqeanit për ushqim, dhe ato me dhëmbëza rrallë mund të dalin në sipërfaqe, duke e shtuar misterin e saj.
