Tre muaj më parë ai kishte kurorëzuar martesën e tyre, por gjithashtu prifti i Brignoles, në Francë, pati një histori erotike me nusen.
Historia u bë publike të dielën e kaluar kur priftërinjtë mësuan se Don Gerson Peres, protagonisti i historisë, duhej të linte udhëheqjen e kishës së Saint-Sauveur për shkak të përfshirjes në një tradhti bashkëshortore.
Çifti u martuan në kishë pas 17 vitesh bashkëjetesë dhe bashkëshorti ka mbetur i tronditur.
Ai u tha gazetave franceze: “Unë jam një person shumë fetar, madje kam një tatuazh të Virgjëreshës Mari në parakrahun tim të majtë. Unë jetoja me gruan time për 17 vjet. Ne rritëm dy fëmijë së bashku. U martova në kishë tre muaj më parë. Nuk do ta kisha imagjinuar atë që ndodhi”.
“Atë Gerson u largua nga famullia e Brignoles të premten më 23 gusht. Më paraqiti dorëheqjen të cilën e pranova. Ai jetoi në kundërshtim flagrant me angazhimet e tij, veçanërisht me atë të beqarisë”, lexohej në letrën drejtuar famullitarëve nga Imzot Touvet, bashkë-peshkop i Fréjus-Toulon.
“At Gerson kishte një marrëdhënie të papërshtatshme me një grua të rritur, e cila ishte e martuar. E mora vesh disa ditë më parë. Ishte një tronditje e vërtetë”, thuhej në letër.
Don Gerson Peres është hequr nga komuniteti lokal, por vetëm Vatikani mund të vendosë për rolin e tij në kishë. “Kisha është e mëshirshme por ruajtja e statusit të priftit nuk vendoset në nivel dioqezan. I takon Romës të vendosë”, sigurojnë nga dioqeza franceze.
