Aktori Matthew Perry, i cili është bërë i njohur për të gjithë me serialin amerikan “Friends”, u gjet i vdekur në një vaskë në shtëpinë e tij në Los Angeles. Ai ka humbur jetën në moshën 54-vjeçare, ndërkohë deri më tani nuk ka asnjë raport përfundimtar mbi vdekjen e tij. Sipas mediave të huaja mësohet se në trupin e Perryt nuk kishte asnjë shenjë dhune.
Zëdhënësi i Departamentit të Zjarrfikësve të Los Anxhelosit, Brian Humphrey i tha CNN se në orën 16:07 morën një telefonatë emergjente dhe menjëherë shkuan në shtëpinë e aktorit ku dhe e gjetën të mbytur në vaskë.
Ndërkohë, lidhur me këtë ngjare tragjike ka ardhur edhe një reagim nga grupi televiziv Warner Bros, të cilët shprehen se janë të shkatërruar nga vdekja e mikut të tyre.
“Jemi të shkatërruar nga vdekja e mikut tonë të dashur Matthew Perry. Mattheë ishte një aktor jashtëzakonisht i talentuar dhe një pjesë e pashlyeshme e familjes së grupit televiziv Warner Bros”, tha Warner Bros.
Perry u bë i famshëm për rolin e tij si Chandler Bing në hitin e viteve ’90, i cili u shfaq për 10 sezone dhe me të në të 234 episodet. Personazhi i tij ishte i preferuar nga fansat, ashtu siç ishin sjelljet dhe e gjithë performanca e aktorit.
Më pas “Friends” ishte qershia mbi tortë dhe seriali që e ngjiti në majat Mattheë Perry. Ai ka luajtur në shumë shfaqje të tjera televizive përgjatë viteve, të tilla si ‘Boys Will Be Boys’, Growing Pains’, ‘Silver Spoons’, ‘Charles në Charge, “Sydney”, “Beverly Hills, 90210”, “Home Free”, “Ally McBeal”, “The West Wing”, “Scrubs”, “Studio 60 në Sunset Strip”, “Vazhdo”, etj.
Ai kishte luajtur gjithashtu në një sërë filmash të paharrueshëm (kryesisht komedi) … si “Budallenjtë nxitojnë”, “The Whole Nine Yards”, “Three to Tango”, “The Kid”, “17 Again”, “Getting In ,’ dhe shume te tjerë. Kohët e fundit ai ka qenë jashtë skenës, pa aktruar, që nga një mini serial televiziv në 2017.
Personaliteti i tij në ekran ishte i këndshëm dhe optimisht, mirëpo të gjithë e dini që aktori vuante fuqishëm në prapaskena, veçanërisht nga varësia e tij ndaj drogës dhe alkoolit. Lidhur me këtë kalvar dhe kapitull të dhimbshëm të jetës së tij Mathew publikoi dhe një libër ku tregoi më detaje vështirësitë që pati.
Matthew nuk u martua kurrë, por pati një fejesë me Molly Hurwitz- in disa vite më parë, e cila mori fund pas vetëm 6 muajsh. Para kësaj, ai kishte qenë i lidhur me Lizzy Caplan.
NewsBomb
