Organizata e Veteranëve të Luftës së UÇK-së ka zhvilluar një takim pune me zyrtarë të Ambasadës së Shteteve të Bashkuara të Amerikës në Kosovë, ku u diskutuan çështjet dhe preokupimet kryesore të veteranëve.
Sipas njoftimit të organizatës, gjatë takimit u trajtuan tema me interes për veteranët e luftës.
Ndërsa u theksua edhe rëndësia e bashkëpunimit të vazhdueshëm me partnerët ndërkombëtarë.
“Në këtë takim theksuam rëndësinë e jashtëzakonshme që ka miqësia e përhershme dhe partneriteti ynë me partnerin tonë më të madh e të pazëvendësueshëm, Shtetet e Bashkuara të Amerikës”, thuhet në njoftim .
