Një aksident trafiku ka ndodhur sot në rrugën “Mbretëresha Teutë” në Pejë, ku një automjet ka goditur dy këmbësorë, duke i lënë të lënduar.
Zëdhënësi i Policisë së Pejës, Driton Rugova, ka bërë të ditur se të lënduarit janë dërguar në Spitali Rajonal i Pejës për trajtim mjekësor.
“Sot rreth orës 18:40, Policia është njoftuar për një aksident i cili ka ndodhur në rrugen ” mbreteresha Teutë” në Pejë, në këtë aksident ishin të involvuara një veturë dhe dy këmbësor, si pasojë e aksidentit të dy këmbësorët kanë pësuar lendime trupore dhe të njejtit janë dërguar në spitalin rajonal në Pejë, për tretman mjekësor, ndërsa rasti është duke u hetuar nga hetuesit e aksidenteve”, tha ai.
Ndërkohë, njoftoi se hetuesit po vazhdojnë punën për të zbardhur shkaqet e aksidentit. /teve1.info/
