Me diabet gestacional i referohemi diabetit që shfaqet gjatë periudhës së shtatëzanisë.
Ashtu si të gjithë tipet e tjerë të diabetit, edhe ai gestacional i referohet mënyrës se si qelizat e organizmit e përdorin sheqerin (glukozën), burimin më të rëndësishëm të energjisë. Diabeti gestacional bën të mundur rritjen e niveleve të sheqerit në gjak (glicemia) dhe kjo mund të shkaktojë probleme për shëndetin e nënës dhe fëmijës.
Cfarë mund të bëjë nëna në këtë rast?
Nëna duhet të përpiqet ta mbajë nën kontroll diabetin duke ndjekur një dietë shumë të shëndetshme ushqimore, duke kryer aktivitet fizik si edhe nëse do jetë e nevojshme edhe duke marrë medikamentet e përshkruara nga mjeku.
Si bëhet diagnostikimi?
Vlerat e glicemisë do të maten me anën e një analize gjaku e cila kryhet esëll, e cila do të nxjerrë përqëndrimin e sheqerit të pranishëm në organizëm (glicemia bazale). Më pas gruaja do të pijë një pije e cila përmban rreth 75 gr glukozë dhe do t’i nënshtrohet një analize tjetër, pas 1-2 orësh (në disa raste të rralla pas 3 orësh). Në disa raste kjo pije mund të shkaktojë tek gruaja të vjella, të përziera, djersitje, marrje mendsh dhe në rastet më ekstreme, gjendje të fikti.
Vlerat e glicemisë
Kur analiza është bërë esëll: konsiderohet diabet nëse vlerat e glicemisë janë më të larta se 126 mg.
Kur analiza është bërë pasi gruaja ka marrë 75 gr glukozë: konsiderohet prediabet nëse glicemia ka vlera nga 140-199 mg, dhe diabet nëse glicemia ka vlera më të mëdha se 200 mg.
