Zbulimi i tradhtisë në një marrëdhënie është gjithmonë një përvojë e vështirë. Por për shumë njerëz, është më mirë të dinë të vërtetën sesa të jetojnë në iluzione. Pikërisht për këtë arsye, gjithnjë e më shumë persona i drejtohen hetuesve privatë kur dyshojnë se partneri i tyre mund të ketë një lidhje jashtëmartesore.
Eksperienca shumëvjeçare e hetuesve privatë ka treguar se ka disa sinjale të qarta që mund të ngrenë flamuj të kuq për tradhti.
Edhe pse një shenjë e vetme nuk është gjithmonë arsye për shqetësim, nëse partneri i juaj përmbush disa prej tyre, katër ose më shumë, ekziston një mundësi reale që të jetë i përfshirë në një lidhje paralele.
Sipas hetuesve privatë, këto janë 20 shenjat që mund të tregojnë se partneri juaj po ju tradhton:
1-Ka ndryshuar papritur zakonet e tij të përditshme
2-Largohet nga shtëpia më herët dhe kthehet më vonë
3-Merr pjesë shpesh në udhëtime pune
4-Nuk paraqitet më në festa apo ngjarje familjare
5-Punon jashtë orarit më shpesh se zakonisht
6-Bën shpenzime të pajustifikuara
7-Ka llogari sekrete në rrjetet sociale (Facebook, Instagram etj.)
8-Fsheh faturat apo llogaritë bankare
9-I kushton papritur më shumë rëndësi pamjes së jashtme
10-Ka një aromë të ndryshme nga zakonisht
11-Blen dhurata që ju nuk i merrni kurrë
12-Gjeni sende të dyshimta në makinën e tij, si p.sh. prezervativë
13-Fillon të shkojë në palestër pa ndonjë arsye të dukshme
14-Ka thirrje të humbura nga numra të panjohur
15-Shkëmben mesazhe të çuditshme ose të koduara
16-Marrëdhëniet intime mes jush janë rralluar ndjeshëm
17-Shfaqet mbrojtës apo i tensionuar kur e pyesni për diçka
18-Gënjen për gjëra të vogla pa ndonjë arsye të qartë
19-Është bërë më nervoz, i irritueshëm ose i mbyllur në vetvete
20-Nuk dëshiron surpriza ose vizita të papritura në shtëpi apo në punë
Ekspertët theksojnë edhe një pikë thelbësore që është intuita personale. Në shumë raste, instinkti nuk gabon. Nëse ndjeni se diçka nuk shkon, mos e injoroni ndjesinë, por sigurohuni që të mos nxirrni përfundime të nxituara pa prova të qarta.
Në fund të ditës, një marrëdhënie e shëndetshme ndërtohet mbi besim, transparencë dhe komunikim. Nëse këto mungojnë dhe dyshimet bëhen të shpeshta, është koha të reflektoni seriozisht mbi raportin tuaj.
