4
Presidenti ukrainas, Volodymyr Zelensky, ka kërkuar nga vendet perëndimore të bëjnë më tepër presion mbi Rusinë, duke theksuar se kjo është mënyra e vetme për të arritur një armëpushim.
Zelensky në një deklaratë të bërë të dielën, ka komentuar sulmet e fundit ndaj civilëve në Kiev dhe Zaporizhzhia, duke shtuar se “Rusia është ajo që po e zvarrit luftën”.
Po ashtu, ai ka theksuar se në takimet me përfaqësues të SHBA-së është diskutuar arritja e armëpushimit, por theksoi se Moska “do të vazhdojë të tregojë përbuzje për diplomacinë e vërtetë dhe të vazhdojë të shkatërrojë jetë”.
“Rusia është ajo që po e shtyn këtë luftë më tej, ajo e solli këtë luftë dhe është e vetmja që ka interes të vazhdojë,” ka thënë Zelensky në rrjetin social ‘X’.
