Pesë muaj pas nisjes së historisë së tyre brenda shtëpisë së “Big Brother VIP Albania 5”, Selin Bollati dhe Gimbo vazhdojnë të jenë një nga çiftet më të komentuar dhe të mbështetur nga publiku.
Dyshja ka festuar 5-mujorin e lidhjes me një moment intim dhe simbolik. Në pamjet e publikuara në rrjetet sociale, ata shfaqen pranë një torte me qiri, ndërsa postimin e kanë shoqëruar me mbishkrimin “Duke krijuar kujtime së bashku”.
Romanca e tyre nisi përpara kamerave, gjatë qëndrimit në shtëpinë më të famshme në Shqipëri, ku afrimiteti mes tyre tërhoqi menjëherë vëmendjen e publikut.
Megjithatë, vazhdimësia e marrëdhënies pas përfundimit të spektaklit tregoi se mes tyre nuk bëhej fjalë vetëm për një dinamikë të krijuar nga loja.
Selin dhe Gimbo kanë zgjedhur ta ndërtojnë lidhjen larg presionit të kamerave, duke ndarë herë pas here me ndjekësit momente nga përditshmëria e tyre.
Marrëdhënia e çiftit ka hyrë tashmë në një fazë më serioze, pasi ata kanë nisur bashkëjetesën në Tiranë.
Pjesë e rëndësishme e historisë së tyre janë bërë edhe udhëtimet drejt Istogut, vendlindjes së Gimbos. Selin ka publikuar disa herë momente familjare nga këto vizita, duke treguar se është afruar dhe përshtatur me rrethin e partnerit të saj.
Pavarësisht dyshimeve që shoqërojnë zakonisht çiftet e krijuara brenda formateve televizive, Selin dhe Gimbo duket se po e vazhdojnë historinë e tyre me qetësi.
Festimi i 5-mujorit është një tjetër dëshmi se lidhja e nisur në BBVIP po forcohet edhe jashtë shtëpisë.
https://lokimagazine.com/wp-content/uploads/2026/08/SnapInsta-Ai_gopkcxxgol9qhdzs0r478.mp4
